طب بأمانه ما حد بيأذي حد غير الإنسان ذاته.. يا بيعمي قلبه ويفضل عايش بعقله بس أو عايش بقلبه بس.. اللي بيعرف يوزن الأمور و شاطر هو اللي مش بيتأذي.. أقصد دخلت في علاقه صحوبيه أو حب شريك حياه.. لازم كياني كله يشتغل.. عقلي وقلبي.. لو بعقلي بس.. هتأذي من عقلي.. من كتر التفكير والتوقعات اللي حاططها في العلاقات.. ومش هيبقى عندي احساس باللي قدامي، مش عارفه أحبه و لا عارف استقبل مشاعره وأفلترها وأشوف هو بجد بيحبني؟! ولو شغلت قلبي بس.. برضو هتأذي من قلبي.. هفضل أحب اللي قدامي ومش مشغل دماغي واوزن المواقف والتصرفات..
التوازن حلو عشان متأذيش.. هو سجن العلاقات ده.. فيه حد بيجيب كلبشات ويحطها لي على عقلي وقلبي؟! ولا انا اللي بسجنهم؟! اعتقد اي سبب في سجن العلاقات ده.. هو أنا.. مش حد تاني.. لو فضلنا طول الوقت عايشيين اننا ضحيه.. هنعيش في كآبه وحزن وصغر نفس.. لكن لو قلنا انا غلطان في كذا وكذا .. هقدر أسامح اللي حاساه أذاني و هآخد بالي بعد كده .. صحيح مش باخد بالي ولا حاجه، وكل فترة اخد على قفايا🙈🥲 بس بحاول اتعلم من غلطاتي.. بأمانه لو ركزنا.. هنلاقي نفس الغلط هو هو .. يسوع قادر يبعد عننا العلاقات المتعبه ويساعدنا منكونش سبب تعب وثقل في حياة حد🙏😔
تعليقات
إرسال تعليق