ايوة منتظرة ..

 المسيح كان بسيط في كل حاجه حتي في تعليمه بسيط برغم عمقه الشديد وانا اي حد باصلي معه باقوله انت مش محتاج لكورسات وترجمات وتدريبات وانتفاخات وكليات لاهوت لأن ابليس عرف يشنكلنا في التعقيد لكن اقرا كتابك اللي قافله واطلب الروح القدس وبعدين دور ع المدارس واللي بيعلموها 

يحمينا الرب ان تتحول حياتنا الي مدارس لاهوتيه ومعلمين بيدخل من خلالهم تعليم مسموم كثير كما أشار بطرس وبولس معلمين كذبه فعله ماكرون يدسون بدع هلاك من وسط الشعب وبيكونوا مشهورين ولهم اسم 

ماعرفش انا باتكلم في نفس الحته ولا حته ثاني 

ولكن اعرف ان ابليس ماكر وملتوي وخبيث وله خدام العجيب انهم بيعرفوا يغيروا شكلهم لخدام البر وليكونوا مثل خدام المسيح ٢كور١١ 

كلمه خدام البر دي خطيره لأن البر هو كل ماهو صحيح بعني بيقولوا كلام صحيح كخدام البر ومن الداخل بيدسوا بدع هلاكهم 

دا بخلاف ان كثره المدارس والكلام ابعدنا عن قوه التقوي وعمل الروح القدس واظهاراته ومواهب الروح لأن ملكوت الله قوه وبر وفرح وسلام 

 لهم صوره التقوي ولكنهم منكرون قوتها

عشان كدا بولس قالهم عايز لما اجيلكم اشوف قوه الذين يتكلمون مش كلامهم بس ودول كانوا خدام افاضل

وما اقوله مختلف عن اجتماع درس الكتاب بالكنيسه لأن كلنا في اجتماعاتنا درسنا الكلمه علي يد معلمين افاضل 

لنمتحن كل شئ ونسأل الروح القدس في كل شئ

 في معلمين بيتاجروا بالناس هدفهم الطمع وبيشترطوا طريقه دراسه معينه بملئ لورق معين او استماره ودي اللي بيتجمع عليها الفلوس 

دول تجار مش معلمين 

في موضه طالعه كدا اسمها نعمل مجموعه دراسيه مع نفسنا وندرس الترجمات يقعدوا في الايه الواحده اسبوع 

والروح والقوه بيضيعوا 

ودا شكل من أشكال خبث الحيه 

السؤال اللي طارح نفسه هل الاستخدام والنهضة وقوه الروح شرط لهم انك انتميت لتعليم حد معين او غيره 

ولا العكس صحيح وكلنا شبعانين بالكلمه الحيه وبعمل روح الله 

المعلمين الكذبه اللي بيتكلم عنهم الرسل دول معلمين واستغلوا أسمائهم وبيعمل مدارس وكورسات ونظريات عشان الاسم معلم والغرض انحدار قوه الروح وعمله وجمع المال 

والكرازه والنهضه مش هاتم غير بالروح مش بالمدارس

وعلي علم اكيد ان في واحد يقعد يرط بالساعات وفي النص بيدس افكار غلط مسمومه والغير فاهم بيشرب الافكار او العبارات دي 

وبيعتمدوا ع الكاريزما والشباب 

وأهم حاجه ملئ الاستمارات او التأكيد ع المتابعه والحضور

ماسمعناش ان المسيح لم ال١٢ وعملهم كورس او مدرسه لكن كان يعلمهم وهم ماشين وبياكلوا وبيخدموا وبخرجوا الشياطين وقاعدين ع الجبل في قعده

غير ان تلاميذه كلهم اللي فتنوا المسكونه اثنين اثنين كانوا عامين وصيادين لكن قعدوا مع رب المجد